zimbabwe yashindwa kunyonga kwa kukosa mnyongaji

Shughuli ya kutekeleza hukumu kwa wafungwa waliohukumiwa kunyongwa nchini Zimbabwe imelazimika kusitishwa kwa sababu nchi hiyo haina mnyongaji. Suala hilo limeibuka wakati wa kusikilizwa kwa shauri kwenye mahakama ya kikatiba. Wafungwa waliohukumiwa kunyongwa wamehoji kuwa, kuwekwa gerezani kwa muda mrefu bila adhabu waliopewa kutekelezwa ni kinyume cha haki za binaadam. Wamesema, hukumu zao za kifo hazina budi sasa kubadilishwa na kuwa kifungo cha maisha. Wakati wa kusikiliza shauri hilo, mwendesha mashtaka wa serikali amekiri kuwa hakuna mtu aliyejitokeza kuomba nafasi ya kazi ya kuwa mnyongaji. Hukumu ya shauri hilo kwenye mahakama ya kikatiba bado haijatolewa.

na salim kikeke