WIVU MKALI UNAVYOSABABISHA GHASIA(DOMESTIC VIOLENCE) KATIKA MAHUSIANO

  DOMESTIC VIOLENCE KATIKA MAHUSIANO NA WIVU ULIOPITILIZA KIWANGO.

Naweza kuelezea domestic violence kama ghasia zinazo ambatana na unyanyasaji katika mahusiano ambao unafanywa na mmoja wapo wa mwenza katika mahusiano ili kumtawala mwenziwe. Unyanyasaji huu unaweza kumtokea yeyote bila kujari rangi, kabila , umri wala jinsia. Unyanyasaji huu unaweza kuwa wa aina mbalimbali mfano kumuumiza mtu mwili wake, unyanyasaji wa kingono kiuchumi na kisaikolojia. Domestic violence yaweza kuhusianisha wapenzi wote wawili kwa maana nyingine ya kiingereza inaitwa reciprocalviolence ambapo wapenzi wote ni wakorofi. Pia yaweza kuwa si wapenzi wote ambao ni wakorofi bali mmoja kati yao ndio mkorofi kwa kiingereza   nonreciprocal violence ambapo mmoja wa wapenzi ni mkorofi.

Kuna aina mbalimbali za domestic violence ambazo hutokea katika mahusiano ya mwanaume na mwanamke katika jamii kwa mfano.

Kudhuru mwili(physicalabuse) .Hii huusisha mmoja kati ya wapenzi wawili kumsababishia mwenziwe maumivu ya mwili mfano kwa kumpiga ,kumchoma na vitu vya ncha kali au visu, kuunguza kwa moto au maji ya moto, kujeruhi kwa vitu vizito.

Kumlazimisha mtu ngono (sexualabuse).Huu hutokea wakati mmoja anapomlazimisha mwenzie ngono wakati hayupo tayari kwa kitendo hiko

Kumuumiza mtu kisaikolojia(psychological abuse).Hii inajumuisha kumnenea mtu maneno makali ya vitisho, kumshusha mtu thamani yake mfano kumtishia mwenza kifo kama atajaribu kuvunja mahusiano. Kumdhalilisha menzio mfano kwa kumtukana

Unyanyasaji wa kiuchumi(economicabuse).Huu hutokea wakati mmoja wa mwenza anapojaribu kumdhibiti mwenzie katika Nyanja ya uchumi na kumfanya asiwe na uwezo wowote kiuchumi na kumtengenezea mazingira ya utegemezi kwako.mfano kuna wanaume wana waachisha wake zao kazi au kuwazuia kabisa kufanya kazi kisa tu wakizani wakizani mwanamke akiwa na kazi huwa kiburi. Na wengine ni sababu za wivu tu anahofia bosi au wafanyakazi wenzake watamchukua.

Kuna sababu mbalimbali ambazo zimekuwa chanzo cha domestic violence katikati ya wapendanao moja ya sababu kubwa ni wivu uliopitiliza kiwango. Ningependa tujadili swala la wivu kwa mapana na marefu katika kuchangia kwake katika ghasia ambazo hutokea katikati ya wapenda nao.

Wivu unahusisha hisia na mawazo hasi na hisia za kutojisikia usalama, hofu wa kumpoteza mtu ambaye unamthamini sana hasa mpenzi. Wivu umekuwa ni jambo la kawaida katika mahusano na hakuna awezaye kulepuka ila tunajaribu kulidhibiti lisilete madhara. Wivu ni daliali moja wapo ya kuonyesha mtu kama ana mpenda mwenziwe. Wivu uliopitiliza kiwango sio alama ya mapenzi ya dhati kwa mwenzi wako bali ni ugonjwa au udhaifu ambao unaitaji kuupatia tiba.Wivu uliopitiliza huu ni wivu ambao uko tofauti sana na wivu wa kiasi. Tofauti yao ni kwamba huu huleta madhara kwa mmoja wa wapenzi pasipo kuwa na sababu zenye mashiko.

 Wivu uliopitiliza husababishwa na mtu kutokujiamini na kutomuamini mwenza wako ukifikiri muda wowote anaweza kukusaliti.

Wakati mwingine hutokea kwa hisia tu zako binafsi kuhisi kama unasalitiwa au  yaweza  tokea pale mmoja wa wapenzi anapokuwa anaanza kuonyesha tabia   ya kutokuwa muaminifu.kwa mfano mpenzi wako anapoanza kukuhisi au kuwa na ushahidi kuwa una mahusiano mengine yasiyo rasmi mbali nay eye anaweza kuanza kuwa na wivu liopitiliza.

Kutokujiamini kama unavutia.  Wakati mwing imekuwa ikitokea mmoja wa wapenzi anasikia wivu mkali anapomuona mpenziwe yupo karibu aidha kikazi au kibiashara au hata kwa ujirani mwema na hasa anapozani kuwa huyo mtu ni mzuri kuliko yeye. Hii hutokea hasa kwa wanawake huwa wanakosa amani na kuwa na wivu mkali sana.

Hofu ya kuachwa pia huchangia,Kuna wakati aidha mwanamke au mwanaume unapokuwa umempata mwenza ambaye pengine hukutegemea kumpata maishani hivyo unaona kana kwamba ni bahati kuwa naye. Au yawezekana ulikaa muda mrefu bila kuwa na mpenzi na sasa umempata. Kutokana na hivyo basi  unakuwa na wivu sana juu ya mpenzi wako kwakuhofu ya kumpoteza .

Wivu uliopitiliza hujidhiirisha katka namna mbali mbali mfano kujaribu kumdhibiti mwenza wako katikamambo mbalimbal mfano kumchagulia mwenza wako watu wa kuongea nao wakati mwingine hata kwa watu wasio na madhara yoyote kwa mahusiano yenu mfano ndugu.

Kupekuapekua simu ya mwenza wako kila mara kutaka kujua amewasiliana na nani.

Tabia ya kugombezana mara kwa mara mfano mwanamke akichelewa dukani hata kwa sababu za msingi au mwanaume kuchelewa kuludi kazini. Kuchelewa pokea simu.

Wivu uliokithiri una madhara makubwa kama tulivyo jadili awali kuwa hupelekea ghasia bana ya wapenzi kati ya wapendanao na ghasia hizi hupelekea matukio mabaya  kama Vipigo na kuumizana . mmoja katika mahusiano mwenye tatizo la wivu uliokithiri hujikuta akimuumiza mwenziwe na hata kumpotezea mwenzie maisha.si jambo gani kuhusikia mtu amechoma kisu mumewe au mkewe kwa sababu ya wivu wa mapenzi au hata kumuumiza mtu anaye mshuku kumchukulia mpenzi wake.

Kujihusisha na maswala ya kishirikina kwa wale waaminio ushirikina. Ukitembea mitaani utaona mabango mengi ya waganga wa jadi yakiwanadi kuwa wana uwezo wa kumtuliza mpenzi na kumfanya akupende wewe. Mwenye wivu uliokithiri kwasababu saa zote hajiamini basi ata tafuta njia za kumdhibiti mwenza wake ikiwemo hii ya waganga wa kienyeji kwa wale wanoamini mambo haya. Mwisho wake wanajikuta wanapoteza pesa ,muda na madhara mengine mengi.

Kuleta utengano katika mahusiano  mahusiano kwani uhusiano unakuwa sio wa furaha na amani. Matukio ya kupigwa kutukanwa abnampelekea mmoja wa penzi kuchoshwa na mwisho kuamua kuvunja mahusiano

Wivu uliokithiri husababisha mtu kukonda kwakuwa anakosa amani muda wote anamuwaza mwenzi wake.anafikia wakati anatamani amuone kila anapoenda na amjue kila mtu anayeongea nae na kukaa nae.

Kutokana na ukweli kuwa wivu u liokithiri huleta madhara makubwa inabidi tuchukua tahadhari ya kuuepuka. Una uwezo mkubwa kabsa wa kuumaliza wivu wako. Chakwanza lazima ujiamini kuwa mpenzi wako haukumpata kwa bahati na kuwa anakupenda .uaminifu ni muhimu kwani utakufanya ujisikie salama wakati wote hata pale mwenzi wako anapokuwa mbali na wewe.

Kama mwenzi wako unajua ana tatizo la wivu inabidi ujaribu kuondoa na kuacha mambo yote ambayo yatamfanya asijiamini na kutokuamini. Mfano kuongea na simu na watu wa jinsia tofauti muda mwingi na mara kwa mara, kupokelea simu bafuni au mbali naye na kuongea kwa siri.

Acha tabia ya kumchunga sana mwenza wako na kutompa uhuru wa kufanya mambo yake mfano kufatilia sana simu yake kwani kufanya hivyo ni mazingira ya kuanza kujitengenezea wivu uliokithiri. Kama  mtu nafanya mambo kinyume na mahusiano yenu lazima utagundua lakini si kwa kujaribu kumchunga.amini kwamba yeye ni mtu mzima anaweza akajichunga yeye mwenyewe.

Jaribu kujidhibiti kidogo katika kupenda kwako usipende kupitiliza, kupenda bila kiasi huchangia sana kuwa na wivu mkali na mwisho wa siku unakusababishia madhara.mpende mwenzi wako vile inavyotatikana kwani kila jambo ukilifanya bila kiasi mwisho wake huwa si mzuri.

Imeandikwa na Richard Priva Zalala

Email. Richard.priva@gmail.com

Facebook. Richard priva Zalala

Instagram. Priva29